ALBANIAN DIGITAL SOLUTION SH.A. është një shoqëri aksionare shtetërore, e krijuar në përputhje me legjislacionin shqiptar për qeverisjen elektronike dhe shoqëritë tregtare, me qëllim mbështetjen e transformimit digjital, zhvillimit teknologjik dhe sigurisë kibernetike në Republikën e Shqipërisë.
ALBANIAN DIGITAL SOLUTION SH.A. operon si kompania teknologjike “in-house” e shtetit shqiptar, me fokus zhvillimin, operimin, mirëmbajtjen dhe mbrojtjen e sistemeve, platformave dhe infrastrukturave digjitale, si dhe ofrimin e shërbimeve në fushën e teknologjisë së informacionit, komunikimit dhe implementimit të masave të sigurisë kibernetike për sektorin publik dhe privat, duke garantuar vazhdimësinë, sigurinë dhe qëndrueshmërinë e shërbimeve dhe infrastrukturave digjitale.
Shërbimet e specializuara
Shoqëria ofron shërbime të specializuara në:
- Zhvillimin e sistemeve software dhe aplikacioneve.
- Transformimin digjital të proceseve dhe shërbimeve institucionale.
- Operimin dhe mirëmbajtjen e sistemeve TIK.
- Administrimin e infrastrukturës teknologjike, platformave cloud dhe qendrave të të dhënave.
- Mbështetjen teknike dhe monitorimin operacional të sistemeve.
- Sigurinë e informacionit dhe sigurinë kibernetike.
- Monitorimin dhe reagimin ndaj incidenteve kibernetike.
- Analizën e të dhënave, automatizimin dhe inovacionin teknologjik.
Ky angazhim është në funksion të modernizimit të administratës publike dhe përmirësimit të shërbimeve ndaj qytetarëve.