Ekspert i Lartë, Njësia Cloud dhe Platformë, Departamenti i Operimeve dhe Infrastrukturës, në “ALBANIAN DIGITAL SOLUTION” SH.A.,
Në zbatim të ligjit nr. 7961, datë 12.07.1995, “Kodi i Punës i Republikës së Shqipërisë”, i ndryshuar, Statutit dhe Aktit të Themelimit të Shoqërisë “ALBANIAN DIGITAL SOLUTION” SH.A., shoqëria “ALBANIAN DIGITAL SOLUTION” SH.A. shpall konkurrimin për 2 (dy) vende të lira pune në pozicionin:
Ekspert i Lartë, Njësia Cloud dhe Platformë, Departamenti i Operimeve dhe Infrastrukturës, në “ALBANIAN DIGITAL SOLUTION” SH.A.
Detyrat kryesore
- Dizanjon dhe implementon zgjidhje cloud dhe platforma teknologjike, duke garantuar sigurinë, disponueshmërinë e sitemeve.
- Menaxhon infrastrukturën dhe shërbimet cloud, duke administruar mjediset virtuale, konfigurimet dhe integrimet ndërmjet sistemeve.
- Siguron performancën dhe shkallëzimin e sistemeve, përmes monitorimit, optimizimit të burimeve dhe planifikimit të kapaciteteve.
- Bashkëpunon me DevOps dhe ekipet teknike për automatizimin, integrimin dhe implementimin e shërbimeve dhe platformave cloud.
- Identifikon dhe zgjidh problematika komplekse teknike, duke analizuar incidentet dhe propozuar zgjidhje infrastrukturore dhe operative.
- Mentoron ekspertët e mesëm dhe specialistët, duke mbështetur zhvillimin teknik dhe ndarjen e praktikave më të mira në administrimin cloud dhe platform engineering.
- Raporton tek Përgjegjësi i Njësisë
Kërkesat për kandidatët
- Të zotërojë diplomë Bachelor në Informatikë, Inxhinieri, Teknologji Informacioni ose fusha të ngjashme
- Të ketë njohuri shumë të mira të gjuhës angleze
- Të ketë të paktën 5 vite eksperiencë profesionale në fushë
- Certifikime: AWS / Azure / GCP ose certifikime të tjera përbëjnë avantazh
Dokumentet e aplikimit
- Kërkesë për aplikim
- CV
- Fotokopje të diplomës dhe listës së notave
- Fotokopje të librezës së punës (vetëm faqet e plotësuara)
- Fotokopje të certifikatave të kualifikimit (nëse ka)
- Vërtetimin e gjendjes gjyqësore
- Një numër telefoni si dhe adresën e plotë për t’u kontaktuar
Procesi i Përzgjedhjes
Kandidatët që plotësojnë kriteret e përcaktuara dhe kalojnë fazën e verifikimit të dokumentacionit do t’i nënshtrohen procedurës së konkurrimit, e cila përbëhet nga dy faza:
- Testim me shkrim
- Intervistë
Vetëm kandidatët që rezultojnë të suksesshëm në fazën e testimit me shkrim do të kualifikohen për fazën e intervistës. Data, ora dhe vendi i zhvillimit të secilës fazë do t’u komunikohen kandidatëve të kualifikuar nëpërmjet të dhënave të kontaktit të deklaruara në aplikim.
Shënim i rëndësishëm
Mosparaqitja e plotë dhe brenda afatit e dokumenteve sjell skualifikim të kandidatit.