Inxhinier i Lartë Sistemi UPS dhe Gjeneratorë , Njësia e Shërbimeve të Infrastrukturës dhe Data Center në “ALBANIAN DIGITAL SOLUTION” SH.A.,
Në zbatim të ligjit nr. 7961, datë 12.07.1995, “Kodi i Punës i Republikës së Shqipërisë”, i ndryshuar, Statutit dhe Aktit të Themelimit të Shoqërisë “ALBANIAN DIGITAL SOLUTION” SH.A., shoqëria “ALBANIAN DIGITAL SOLUTION” SH.A. shpall konkurrimin për 1 (një) vend i lirë pune në pozicionin:
Inxhinier i Lartë Sistemi UPS dhe Gjeneratorë, Njësia e Shërbimeve të Infrastrukturës dhe Data Center në “ALBANIAN DIGITAL SOLUTION” SH.A.,
Detyrat kryesore
- Mirëmban dhe operon njësitë UPS me kapacitet të lartë sipas manualeve teknike të prodhuesit.
- Kontrollon dhe menaxhon gjendjen e baterive të të gjitha njësive UPS.
- Koordinon zëvendësimin e baterive të amortizuara sipas alarmeve aktive.
- Mirëmban dhe teston gjeneratorët diesël sipas kalendarit: ndezje pa ngarkesë çdo dy javë minimalisht.
- Kryen shërbime periodike të gjeneratorëve: ndërrimin e vajit, filtrave, coolant dhe baterive.
- Kryen teste transferimi ndërmjet rrjetit, UPS-ve dhe gjeneratorëve.
- Monitoron parametrat e energjisë: tension, frekuencë, rrymë dhe faktor fuqie.
- Kryen skanime termografike të pajisjeve UPS dhe gjeneratorëve.
- Mirëmban dokumentacionin teknik dhe log-un e alarmeve.
- Raporton tek Përgjegjësi i Njësisë dhe aktivizohet on-call sipas rotacionit të miratuar.
Kërkesat për kandidatët
- Të zotërojë diplomë Bachelor / Master në Inxhinieri Elektrike ose fushë të ngjashme.
- Të ketë të paktën 5 vite eksperiencë profesionale në fushë.
- Certifikim zyrtar nga prodhuesi i njësive UPS të instaluara, gjeneratorësh diesel, përbejnë avantazh.
- Të ketë njohuri shumë të mira të gjuhës angleze.
Dokumentet e aplikimit
- Kërkesë për aplikim.
- CV.
- Fotokopje të diplomës dhe listës së notave.
- Fotokopje të librezës së punës (vetëm faqet e plotësuara).
- Fotokopje të certifikatave të kualifikimit (nëse ka).
- Vërtetimin e gjendjes gjyqësore.
- Një numër telefoni si dhe adresën e plotë për t’u kontaktuar.
Procesi i Përzgjedhjes
Vetëm kandidatët që rezultojnë të suksesshëm në fazën e përzgjedhjes do të kualifikohen për fazën e intervistës. Data, ora dhe vendi i zhvillimit të intervistës do t’u komunikohen kandidatëve të kualifikuar nëpërmjet të dhënave të kontaktit të deklaruar në aplikim
Shënim i rëndësishëm
Mosparaqitja e plotë dhe brenda afatit e dokumenteve sjell skualifikim të kandidatit.