Përgjegjës i Ekipit të Dedikuar

Përgjegjës i Ekipit të Dedikuar, Ekipet e Dedikuara, Departamenti i Zhvillimit dhe Transformimit Digjital në “ALBANIAN DIGITAL SOLUTION” SH.A.,

Në zbatim të ligjit nr. 7961, datë 12.07.1995, “Kodi i Punës i Republikës së Shqipërisë”, i ndryshuar, Statutit dhe Aktit të Themelimit të Shoqërisë “ALBANIAN DIGITAL SOLUTION” SH.A., shoqëria “ALBANIAN DIGITAL SOLUTION” SH.A. shpall konkurrimin për 1 (një) vend të lirë pune në pozicionin:

Përgjegjës i Ekipit të Dedikuar, Ekipet e Dedikuara, Departamenti i Zhvillimit dhe Transformimit Digjital në “ALBANIAN DIGITAL SOLUTION” SH.A.

Detyrat kryesore

• Drejton dhe koordinon ekipin e dedikuar për realizimin, mirëmbajtjen dhe mbështetjen e projekteve, sistemeve dhe shërbimeve kritike në institucionet përfituese.
• Siguron organizimin dhe koordinimin e punës së ekipit në përputhje me kontratat, kërkesat, prioritetet dhe kapacitetet e miratuara.
• Harton dhe menaxhon planin e punës, prioritetet, kapacitetet, angazhimet dhe shpërndarjen e detyrave ndërmjet anëtarëve të ekipit.
• Planifikon dhe monitoron realizimin e detyrave, dorëzueshmeve dhe angazhimeve teknike e operative në përputhje me objektivat dhe afatet e përcaktuara.
• Monitoron përmbushjen e SLA-ve, KPI-ve, afateve, standardeve të cilësisë dhe kritereve të pranimit të shërbimeve dhe rezultateve të dorëzuara.
• Identifikon, analizon dhe trajton rreziqet, varësitë, pengesat dhe ndryshimet që ndikojnë në realizimin e projekteve dhe vazhdimësinë e shërbimeve.
• Koordinon reagimin ndaj problematikave, incidenteve dhe situatave kritike, duke siguruar përshkallëzimin në kohë te njësitë dhe strukturat përkatëse.
• Menaxhon komunikimin dhe koordinimin operacional me institucionet përfituese dhe palët e interesit gjatë realizimit dhe operimit të shërbimeve.
• Bashkëpunon me njësitë qendrore të zhvillimit software, arkitekturës, QA-së, DevSecOps-it, operimeve, sigurisë dhe infrastrukturës për adresimin e nevojave të projekteve.
• Koordinon procesin e testimit, dorëzimit dhe pranimit të rezultateve me institucionin përfitues dhe autoritetet e përcaktuara.
• Mbikëqyr implementimin, mirëmbajtjen, cilësinë, performancën dhe vazhdimësinë operacionale të sistemeve dhe shërbimeve të mbuluara nga ekipi.
• Vlerëson performancën, kapacitetet dhe nevojat për zhvillim profesional të anëtarëve të ekipit dhe propozon masa për trajnim dhe mentorim.
• Siguron dokumentimin teknik dhe operacional, transferimin e njohurive, mbulimin rezervë të roleve kritike dhe vazhdimësinë e shërbimit.
• Siguron gjurmueshmërinë e ndryshimeve, konfigurimeve, vendimeve, incidenteve dhe rezultateve të punës.
• Raporton tek Drejtor Departamenti

Kërkesat për kandidatët

• Të zotërojë diplomë të nivelit Bachelor në AI, Informatikë, Inxhinieri, Teknologji Informacioni ose fusha të ngjashme
• Certifikime në IT Service Management (ITIL), menaxhimin e projekteve (PMP/PRINCE2) ose metodologjitë Agile/Scrum përbëjnë avantazh
• Të ketë njohuri shumë të mira të gjuhës angleze
• Të ketë të paktën 5 vite eksperience profesionale në fushë

Dokumentet e aplikimit

• Kërkesë për aplikim
• CV
• Fotokopje të diplomës dhe listës së notave
• Fotokopje të librezës së punës (vetëm faqet e plotësuara), ose vërtetim të kontributeve të sigurimeve shoqërore të gjeneruara nga platforma e- Albania, ose Vërtetim të lëshuar nga punëdhënësi.
• Fotokopje të certifikatave të kualifikimit (nëse ka)
• Vërtetimin e gjendjes gjyqësore
• Një numër telefoni si dhe adresën e plotë për t’u kontaktuar