Ekspert i Lartë (SysAdmin)

Ekspert i Lartë (SysAdmin), Njësia e Operimit dhe Mirëmbajtjes së Infrastrukturës, Departamenti i Operimeve dhe Infrastrukturës, në “ALBANIAN DIGITAL SOLUTION” SH.A.,

Në zbatim të ligjit nr. 7961, datë 12.07.1995, “Kodi i Punës i Republikës së Shqipërisë”, i ndryshuar, Statutit dhe Aktit të Themelimit të Shoqërisë “ALBANIAN DIGITAL SOLUTION” SH.A., shoqëria “ALBANIAN DIGITAL SOLUTION” SH.A. shpall konkurrimin për 1 (një) vend të lirë pune në pozicionin:

Ekspert i Lartë (SysAdmin), Njësia e Operimit dhe Mirëmbajtjes së Infrastrukturës, Departamenti i Operimeve dhe Infrastrukturës, në “ALBANIAN DIGITAL SOLUTION” SH.A.

Detyrat kryesore

• Administron dhe mirëmban serverët fizikë dhe virtualë dhe infrastrukturën on-premise, duke garantuar disponueshmërinë, stabilitetin, performancën dhe sigurinë e tyre.
• Administron sistemet Linux dhe Windows Server, përfshirë instalimin, konfigurimin, patching, hardening, upgrade, akseset, shërbimet sistemore dhe troubleshooting.
• Administron platformat e virtualizimit dhe hypervisor-ët, përfshirë host-et, cluster-at, makinat virtuale, burimet, kapacitetet, high availability dhe lifecycle-in e mjediseve virtuale.
• Administron storage, SAN, file systems dhe komponentët përkatës të infrastrukturës, duke monitoruar kapacitetet, performancën dhe disponueshmërinë e tyre.
• Administron shërbimet bazë të infrastrukturës dhe identitetit, përfshirë directory services, DNS, autentikimin, përdoruesit, grupet, privilegjet dhe kontrollet e aksesit.
• Administron konfigurimet dhe shërbimet e rrjetit në nivel sistemi/serveri dhe kryen diagnostikimin e problematikave të lidhjes dhe komunikimit të sistemeve.
• Administron dhe verifikon proceset e backup/restore dhe kontribuon në implementimin dhe testimin e disaster recovery, high availability dhe vazhdimësisë operacionale të sistemeve.
• Monitoron serverët, sistemet operative, platformat e virtualizimit, storage, shërbimet, logs, alarmet, performancën dhe kapacitetet, duke identifikuar dhe adresuar problematikat teknike.
• Identifikon, analizon dhe zgjidh incidente dhe problematika komplekse të sistemeve dhe infrastrukturës dhe koordinon, sipas nevojës, ndërhyrjet me ekipet e tjera teknike dhe ofruesit e teknologjisë.
• Planifikon, teston dhe implementon konfigurime, patch-e, upgrade, migrime dhe ndryshime teknike në mjediset testuese dhe operative, në përputhje me procedurat e change management.
• Zhvillon dhe mirëmban script-e dhe automatizime për administrimin, konfigurimin, monitorimin dhe eliminimin e proceseve operative të përsëritshme.
• Administron dhe mbështet integrimin e sistemeve on-premise me shërbime dhe infrastruktura Cloud/Hybrid dhe bashkëpunon me ekipet DBA, Application/Middleware, DevOps dhe Sigurisë për operimin dhe integrimin e platformave.
• Dokumenton arkitekturën dhe konfigurimet e infrastrukturës, ndryshimet, procedurat operative dhe zgjidhjet teknike dhe ofron mentorim e mbështetje profesionale për ekspertët e mesëm dhe specialistët.
• Raporton tek Përgjegjësi i Njësisë.

Kërkesat për kandidatët

• Të zotërojë diplomë të nivelit Bachelor në Informatikë, Inxhinieri, Teknologji Informacioni ose fusha të ngjashme
• Të ketë njohuri shumë të mira të gjuhës angleze;
• Të ketë të paktën 5 vite eksperience profesionale në fushë
• Certifikime: Certifikime në administrimin e sistemeve Linux/Windows, platformat e virtualizimit, storage dhe backup, si dhe certifikime në teknologjitë Cloud/Hybrid përbëjnë avantazh.

Dokumentet e aplikimit

• Kërkesë për aplikim
• CV
• Fotokopje të diplomës dhe listës së notave
• Fotokopje të librezës së punës (vetëm faqet e plotësuara), ose vërtetim të kontributeve të sigurimeve shoqërore të gjeneruara nga platforma e- Albania, ose Vërtetim të lëshuar nga punëdhënësi.
• Fotokopje të certifikatave të kualifikimit (nëse ka)
• Vërtetimin e gjendjes gjyqësore
• Një numër telefoni si dhe adresën e plotë për t’u kontaktuar