Ekspert i Lartë, Njësia Inteligjencës Artificiale dhe Analitikës

Ekspert i Lartë, Njësia Inteligjencës Artificiale dhe Analitikës, Departamenti i Projekteve dhe Inteligjencës Artificiale, në “ALBANIAN DIGITAL SOLUTION” SH.A.,

Në zbatim të ligjit nr. 7961, datë 12.07.1995, “Kodi i Punës i Republikës së Shqipërisë”, i ndryshuar, Statutit dhe Aktit të Themelimit të Shoqërisë “ALBANIAN DIGITAL SOLUTION” SH.A., shoqëria “ALBANIAN DIGITAL SOLUTION” SH.A. shpall konkurrimin për 2 (dy) vende të lira pune në pozicionin:

Ekspert i Lartë, Njësia Inteligjencës Artificiale dhe Analitikës, Departamenti i Projekteve dhe Inteligjencës Artificiale, në “ALBANIAN DIGITAL SOLUTION” SH.A.

Detyrat kryesore

• Analizon kërkesat teknike dhe funksionale dhe kontribuon në projektimin teknik të zgjidhjeve të inteligjencës artificiale dhe analitikës.
• Zhvillon, teston dhe implementon modele dhe zgjidhje të avancuara AI/ML, përfshirë aplikacione të bazuara në Generative AI dhe LLM, sipas kërkesave të projektit.
• Projekton dhe zhvillon zgjidhje analitike, modele te te dhenave dhe procese per perpunimin dhe shfrytezimin e te dhenave per nevoja analitike.
• Kontribuon në realizimin e zgjidhjeve nga faza e konceptit dhe prototipit deri në implementimin dhe funksionimin e tyre në mjedise operative.
• Projekton dhe zhvillon komponentë dhe pipeline teknikë për përpunimin e të dhënave, ekzekutimin e modeleve dhe integrimin e zgjidhjeve AI.
• Kontribuon, sipas nevojave të projektit, në zgjidhje RAG, kërkim semantik, baza te dhenash, përpunim inteligjent dokumentesh dhe zgjidhje të bazuara në AI Agents.
• Vlerëson modele, teknologji dhe alternativa teknike dhe propozon qasje të përshtatshme për realizimin e zgjidhjeve.
• Bashkëpunon me ekipet e arkitekturës, zhvillimit, data engineering, infrastrukturës dhe sigurisë për realizimin e zgjidhjeve end-to-end.
• Vlerëson saktësinë, performancën, qëndrueshmërinë dhe efektivitetin e modeleve dhe zgjidhjeve dhe propozon ose implementon përmirësime teknike.
• Kontribuon në praktikat e testimit, versionimit, deployment, monitorimit dhe menaxhimit të ciklit të jetës së modeleve dhe aplikacioneve AI.
• Analizon dhe zgjidh problematika teknike komplekse që lidhen me modelet, të dhënat, integrimet, performancën dhe funksionimin e zgjidhjeve.
• Përgatit dhe mirëmban dokumentacionin teknik të nevojshëm për zgjidhjet, modelet, komponentët, integrimet dhe testimet.
• Mbështet dhe mentoron Ekspertët e Mesëm dhe Specialistët në çështje teknike dhe ndan praktikat dhe njohuritë e fituara gjatë projekteve.
• Ndjek zhvillimet në AI/ML dhe Generative AI dhe vlerëson aplikimin praktik të teknologjive dhe metodave të reja në projektet e Njësisë.
• Raporton tek Përgjegjësi i Njësisë

Kërkesat për kandidatët

• Të zotërojë diplomë të nivelit Bachelor në AI, Informatikë, Inxhinieri, Teknologji Informacioni ose fusha të ngjashme
• Të ketë njohuri shumë të mira të gjuhës angleze;
• Të ketë të paktën 5 vite eksperience profesionale në fushë
• Certifikime: Certifikime në AI/ML ose platforma cloud përbëjnë avantazh

Dokumentet e aplikimit

• Kërkesë për aplikim
• CV
• Fotokopje të diplomës dhe listës së notave
• Fotokopje të librezës së punës (vetëm faqet e plotësuara), ose vërtetim të kontributeve të sigurimeve shoqërore të gjeneruara nga platforma e- Albania, ose Vërtetim të lëshuar nga punëdhënësi.
• Fotokopje të certifikatave të kualifikimit (nëse ka)
• Vërtetimin e gjendjes gjyqësore
• Një numër telefoni si dhe adresën e plotë për t’u kontaktuar