Ekspert i Lartë, Njësia e DevSecOps dhe Automatizim

Ekspert i Lartë, Njësia e DevSecOps dhe Automatizim, Departamenti i Zhvillimit dhe Transformimit Digjital, në “ALBANIAN DIGITAL SOLUTION” SH.A.,

Në zbatim të ligjit nr. 7961, datë 12.07.1995, “Kodi i Punës i Republikës së Shqipërisë”, i ndryshuar, Statutit dhe Aktit të Themelimit të Shoqërisë “ALBANIAN DIGITAL SOLUTION” SH.A., shoqëria “ALBANIAN DIGITAL SOLUTION” SH.A. shpall konkurrimin për 2 (dy) vende të lira pune në pozicionin:

Ekspert i Lartë, Njësia e DevSecOps dhe Automatizim, Departamenti i Zhvillimit dhe Transformimit Digjital, në “ALBANIAN DIGITAL SOLUTION” SH.A.

Detyrat kryesore

• Zbaton praktikat DevSecOps, automatizimin dhe administrimin e infrastrukturës IT, në përputhje me standardet teknologjike dhe të sigurisë së shoqërisë.
• Administron dhe mirëmban serverët fizikë dhe virtualë, sistemet Linux/Windows, storage, backup dhe infrastrukturën on-premise, duke garantuar disponueshmërinë, performancën dhe sigurinë e tyre.
• Administron platformat e virtualizimit, makinat virtuale, burimet dhe kapacitetet, duke monitoruar disponueshmërinë dhe performancën e mjediseve.
• Kryen administrimin e Linux dhe Windows Server, përfshirë instalimin, konfigurimin, patching, hardening, akseset, shërbimet sistemore dhe troubleshooting.
• Kryen dhe mbështet proceset e backup/restore, disaster recovery, capacity planning, monitorimit dhe mirëmbajtjes së infrastrukturës dhe sistemeve.
• Implementon dhe mirëmban pipeline CI/CD për automatizimin e build, testimit, integrimit dhe deployment-it të aplikacioneve.
• Implementon Infrastructure as Code (IaC), Configuration Management dhe automatizimin e administrimit dhe provisionimit të infrastrukturës.
• Administron containerization, orchestration dhe platformat cloud, si dhe integrimin e tyre me infrastrukturën on-premise.
• Integron dhe mirëmban kontrollet e sigurisë SAST, DAST dhe SCA në pipeline-et CI/CD dhe proceset DevSecOps.
• Monitoron performancën, logs, kapacitetet dhe stabilitetin e infrastrukturës, sistemeve dhe aplikacioneve, duke diagnostikuar dhe adresuar problematikat teknike dhe vulnerabilitetet.
• Bashkëpunon me ekipet e zhvillimit, arkitekturës dhe sigurisë dhe ofron mbështetje teknike e mentorim në System Administration, Virtualization, DevOps, Cloud, Automatizim dhe AppSec.
• Raporton tek Përgjegjësi i Njësisë.

Kërkesat për kandidatët

• Të zotërojë diplomë Bachelor në Informatikë, Inxhinieri, Teknologji Informacioni ose fusha të ngjashme
• Të ketë njohuri shumë të mira të gjuhës angleze
• Të ketë të paktën 5 vite eksperiencë profesionale në fushë
• Certifikime: AWS/Azure/GCP, Kubernetes (CKA/CKAD) ose certifikime në sigurinë e aplikacioneve (OSCP/CEH/CSSLP), certifikime në administrimin e sistemeve Linux/Windows si dhe certifikime per platformat e virtualizimit përbëjnë avantazh.

Dokumentet e aplikimit

• Kërkesë për aplikim
• CV
• Fotokopje të diplomës dhe listës së notave
• Fotokopje të librezës së punës (vetëm faqet e plotësuara), ose vërtetim të kontributeve të sigurimeve shoqërore të gjeneruara nga platforma e- Albania, ose Vërtetim të lëshuar nga punëdhënësi.
• Fotokopje të certifikatave të kualifikimit (nëse ka)
• Vërtetimin e gjendjes gjyqësore
• Një numër telefoni si dhe adresën e plotë për t’u kontaktuar