Ekspert i Mesëm, Njësia e Sigurimit të Cilësisë dhe Testimit

Ekspert i Mesëm, Njësia e Sigurimit të Cilësisë dhe Testimit, Departamenti i Zhvillimit dhe Transformimit Digjital, në “ALBANIAN DIGITAL SOLUTION” SH.A.,

Në zbatim të ligjit nr. 7961, datë 12.07.1995, “Kodi i Punës i Republikës së Shqipërisë”, i ndryshuar, Statutit dhe Aktit të Themelimit të Shoqërisë “ALBANIAN DIGITAL SOLUTION” SH.A., shoqëria “ALBANIAN DIGITAL SOLUTION” SH.A. shpall konkurrimin për 2 (dy) vende të lira pune në pozicionin:

Ekspert i Mesëm, Njësia e Sigurimit të Cilësisë dhe Testimit, Departamenti i Zhvillimit dhe Transformimit Digjital, në “ALBANIAN DIGITAL SOLUTION” SH.A.

Detyrat kryesore

• Analizon kërkesat funksionale dhe teknike për fushëveprimin e caktuar, evidenton paqartësi dhe çështje të testueshmërisë dhe identifikon kushtet dhe prioritetet e testimit bazuar në risk.
• Kryen testime funksionale, integruese, regresive dhe testime performance për aplikacionet dhe sistemet software, me qëllim vlerësimin e funksionalitetit, stabilitetit dhe performancës.
• Përgatit, përditëson dhe ekzekuton test case dhe skenarë testimi dhe kontribuon në përgatitjen dhe përditësimin e test planit, në përputhje me kërkesat funksionale dhe teknike të projekteve.
• Përgatit test data për fushëveprimin e caktuar dhe verifikon parakushtet e nevojshme të test environment përpara ekzekutimit.
• Identifikon, dokumenton dhe ndjek defektet dhe problematikat e evidentuara gjatë procesit të testimit, duke përdorur proceset dhe mjetet e bug tracking, dhe verifikon korrigjimet e realizuara.
• Bashkëpunon ngushtë me ekipet e zhvillimit software dhe ekipet teknike për analizimin dhe zgjidhjen e problematikave të identifikuara, si dhe me palët e biznesit/analizës për sqarimin e kërkesave kur është e nevojshme.
• Mbështet proceset e automatizimit të testeve dhe implementimin e praktikave moderne të sigurimit të cilësisë.
• Monitoron coverage dhe traceability për fushëveprimin e caktuar, ndjek metrikat e cilësisë, përgatit raportime periodike mbi rezultatet e testimit dhe kontribuon në përmirësimin e vazhdueshëm të proceseve të QA.
• Jep informacion mbi statusin e testimit, defektet dhe risqet e mbetura për të mbështetur vlerësimin e gatishmërisë për release.
• Raporton tek Eksperti i Lartë dhe/ose Përgjegjësi i Njësisë

Kërkesat për kandidatët

• Të zotërojë Bachelor në Informatikë, Inxhinieri, Teknologji Informacioni ose fusha të ngjashme
• Të ketë të paktën 2 vite eksperience profesionale në fushë
• Certifikime në ISTQB ose trajnime në testing përbëjnë avantazh
• Të ketë njohuri shumë të mira të gjuhës angleze

Dokumentet e aplikimit

• Kërkesë për aplikim
• CV
• Fotokopje të diplomës dhe listës së notave
• Fotokopje të librezës së punës (vetëm faqet e plotësuara), ose vërtetim të kontributeve të sigurimeve shoqërore të gjeneruara nga platforma e- Albania, ose Vërtetim të lëshuar nga punëdhënësi.
• Fotokopje të certifikatave të kualifikimit (nëse ka)
• Vërtetimin e gjendjes gjyqësore
• Një numër telefoni si dhe adresën e plotë për t’u kontaktuar