Ekspert i Mesëm (SysAdmin)

Ekspert i Mesëm (SysAdmin), Njësia e Operimit dhe Mirëmbajtjes së Infrastrukturës, Departamenti i Operimeve dhe Infrastrukturës, në “ALBANIAN DIGITAL SOLUTION” SH.A.,

Në zbatim të ligjit nr. 7961, datë 12.07.1995, “Kodi i Punës i Republikës së Shqipërisë”, i ndryshuar, Statutit dhe Aktit të Themelimit të Shoqërisë “ALBANIAN DIGITAL SOLUTION” SH.A., shoqëria “ALBANIAN DIGITAL SOLUTION” SH.A. shpall konkurrimin për 1 (një) vend të lirë pune në pozicionin:

Ekspert i Mesëm (SysAdmin), Njësia e Operimit dhe Mirëmbajtjes së Infrastrukturës, Departamenti i Operimeve dhe Infrastrukturës, në “ALBANIAN DIGITAL SOLUTION” SH.A.

Detyrat kryesore

• Mbështet administrimin dhe mirëmbajtjen e serverëve fizikë dhe virtualë dhe infrastrukturës on-premise, sipas standardeve dhe procedurave të përcaktuara.
• Kryen administrimin e sistemeve Linux dhe Windows Server, përfshirë instalimin, konfigurimin, patching, hardening, akseset, shërbimet sistemore dhe troubleshooting.
• Mbështet administrimin e platformave të virtualizimit dhe hypervisor-ëve, përfshirë host-et, cluster-at, makinat virtuale, burimet, kapacitetet dhe high availability.
• Mbështet administrimin dhe monitorimin e storage, SAN dhe file systems, përfshirë kapacitetet, performancën dhe disponueshmërinë e tyre.
• Kryen administrimin e shërbimeve bazë të infrastrukturës dhe identitetit, përfshirë directory services, DNS, autentikimin, përdoruesit, grupet dhe kontrollet e aksesit.
• Kryen konfigurime dhe diagnostikim të shërbimeve të rrjetit në nivel sistemi/serveri dhe mbështet zgjidhjen e problematikave të lidhjes dhe komunikimit të sistemeve.
• Kryen dhe monitoron proceset e backup/restore dhe mbështet aktivitetet e disaster recovery, high availability dhe testimit të rikuperimit të sistemeve.
• Monitoron serverët, sistemet operative, platformat e virtualizimit, storage, shërbimet, logs, alarmet, performancën dhe kapacitetet, duke identifikuar dhe adresuar problematikat teknike.
• Identifikon dhe zgjidh incidente dhe problematika teknike të sistemeve dhe infrastrukturës dhe eskalon problematikat komplekse sipas procedurave të përcaktuara.
• Implementon konfigurime, patch-e, upgrade dhe ndryshime teknike në mjediset testuese dhe operative dhe mbështet aktivitetet e migrimit sipas procedurave të change management.
• Zhvillon dhe përdor script-e dhe automatizime për administrimin, konfigurimin, monitorimin dhe automatizimin e detyrave operative të përsëritshme.
• Mbështet administrimin dhe integrimin e sistemeve on-premise me shërbime dhe infrastruktura Cloud/Hybrid dhe bashkëpunon me ekipet DBA, Application/Middleware, DevOps dhe Sigurisë për operimin e platformave.
• Dokumenton konfigurimet, ndryshimet, procedurat operative dhe zgjidhjet teknike dhe ofron mbështetje teknike për specialistët e ekipit.
• Raporton tek Eksperti i Lartë dhe/ose Përgjegjësi i Njësisë.

Kërkesat për kandidatët

• Të zotërojë diplomë të nivelit Bachelor në Informatikë, Inxhinieri, Teknologji Informacioni ose fusha të ngjashme
• Të ketë njohuri shumë të mira të gjuhës angleze;
• Të ketë të paktën 2 vite eksperience profesionale në fushë
• Certifikime: Trajnime ose certifikime në administrimin e sistemeve Linux/Windows, platformat e virtualizimit, storage dhe backup, si dhe trajnime në teknologjitë Cloud/Hybrid përbëjnë avantazh.

Dokumentet e aplikimit

• Kërkesë për aplikim
• CV
• Fotokopje të diplomës dhe listës së notave
• Fotokopje të librezës së punës (vetëm faqet e plotësuara), ose vërtetim të kontributeve të sigurimeve shoqërore të gjeneruara nga platforma e- Albania, ose Vërtetim të lëshuar nga punëdhënësi.
• Fotokopje të certifikatave të kualifikimit (nëse ka)
• Vërtetimin e gjendjes gjyqësore
• Një numër telefoni si dhe adresën e plotë për t’u kontaktuar