Skip to content

NJOFTIM PËR VEND TË LIRË PUNE

Ekspert i Mesëm, Njësia Rrjetit dhe Komunikimeve

NJOFTIM Afati i aplikimit: 29.09.2026

Ekspert i Mesëm, Njësia Rrjetit dhe Komunikimeve, Departamenti i Operimeve dhe Infrastrukturës, në “ALBANIAN DIGITAL SOLUTION” SH.A.,

Në zbatim të ligjit nr. 7961, datë 12.07.1995, “Kodi i Punës i Republikës së Shqipërisë”, i ndryshuar, Statutit dhe Aktit të Themelimit të Shoqërisë “ALBANIAN DIGITAL SOLUTION” SH.A., shoqëria “ALBANIAN DIGITAL SOLUTION” SH.A. shpall konkurrimin për 1 (një) vend të lirë pune në pozicionin:

Ekspert i Mesëm, Njësia Rrjetit dhe Komunikimeve, Departamenti i Operimeve dhe Infrastrukturës, në “ALBANIAN DIGITAL SOLUTION” SH.A.

Detyrat kryesore

  • Administron dhe mirëmban platformat e zërit mbi IP (VoIP), IP Telefonisë dhe sistemeve PBX (Private Branch Exhange)
  • Menaxhon Infrastrukturën e videokonferencave, mjetet e bashkëpunimit (p.sh Cisco Webex) dhe pajisjet fundore përkatëse (endpoints)
  • Konfiguron dhe mirëmban portat zanore (Voice Gateways), lidhjet SIP (SIP Trunks) dhe Session Border Controllers (SBC) për komunikime të jashtme dhe të brendshme të sigurta
  • Administron pajisjet dhe konfigurimet e rrjetit
  • Monitoron performancën dhe disponueshmërinë
  • Mbështet implementimin e masave të sigurisë rrjetore
  • Zgjidh incidente dhe problematika të rrjetit
  • Kryen mirëmbajtje parandaluese dhe korrigjuese
  • Bashkëpunon me ekipet për integrimin e sistemeve
  • Raporton tek Eksperti i Lartë dhe/ose Përgjegjësi i Njësisë.

Kërkesat për kandidatët

  • Të zotërojë diplomë të nivelit Bachelor në Informatikë, Inxhinieri, Teknologji Informacioni ose fusha të ngjashme
  • Të ketë njohuri shumë të mira të gjuhës angleze;
  • Të ketë të paktën 2 vite eksperience profesionale në fushë
  • Certifikime: CCNP Collaboration , CCIE përbëjnë avantazh

Dokumentet e aplikimit

  • Kërkesë për aplikim
  • CV
  • Fotokopje të diplomës dhe listës së notave
  • Fotokopje të librezës së punës (vetëm faqet e plotësuara), ose vërtetim të kontributeve të sigurimeve shoqërore të gjeneruara nga platforma e- Albania, ose Vërtetim të lëshuar nga punëdhënësi.
  • Fotokopje të certifikatave të kualifikimit (nëse ka)
  • Vërtetimin e gjendjes gjyqësore
  • Një numër telefoni si dhe adresën e plotë për t’u kontaktuar

Procesi i Përzgjedhjes

Kandidatët që plotësojnë kriteret e përcaktuara dhe kalojnë fazën e verifikimit të dokumentacionit do t’i nënshtrohen procedurës së konkurrimit, e cila përbëhet nga dy faza:

  • Testim me shkrim
  • Intervistë

Vetëm kandidatët që rezultojnë të suksesshëm në fazën e testimit me shkrim do të kualifikohen për fazën e intervistës. Data, ora dhe vendi i zhvillimit të secilës fazë do t’u komunikohen kandidatëve të kualifikuar nëpërmjet të dhënave të kontaktit të deklaruara në aplikim.

 

Shënim i rëndësishëm

Mosparaqitja e plotë dhe brenda afatit e dokumenteve sjell skualifikim të kandidatit.