Ekspert i Mesëm, Njësia Cloud, Platformë dhe Infrastrukturë

Ekspert i Mesëm, Njësia Cloud, Platformë dhe Infrastrukturë, Departamenti i Operimeve dhe Infrastrukturës, në “ALBANIAN DIGITAL SOLUTION” SH.A.,

Në zbatim të ligjit nr. 7961, datë 12.07.1995, “Kodi i Punës i Republikës së Shqipërisë”, i ndryshuar, Statutit dhe Aktit të Themelimit të Shoqërisë “ALBANIAN DIGITAL SOLUTION” SH.A., shoqëria “ALBANIAN DIGITAL SOLUTION” SH.A. shpall konkurrimin për 1 (një) vend të lirë pune në pozicionin:

Ekspert i Mesëm, Njësia Cloud, Platformë dhe Infrastrukturë, Departamenti i Operimeve dhe Infrastrukturës, në “ALBANIAN DIGITAL SOLUTION” SH.A.

Detyrat kryesore

• Mbështet administrimin dhe mirëmbajtjen e infrastrukturës Cloud, on-premise dhe hibride dhe platformave teknologjike, sipas arkitekturës dhe standardeve të përcaktuara.
• Kryen administrimin e serverëve fizikë dhe virtualë, sistemeve Linux/Windows dhe platformave të virtualizimit, përfshirë konfigurimin, patching, hardening dhe troubleshooting.
• Mbështet administrimin dhe monitorimin e storage, file systems, backup, high availability dhe disaster recovery dhe merr pjesë në testimin e mekanizmave të rikuperimit.
• Kryen konfigurimin dhe administrimin e komponentëve compute, storage, networking, identity dhe shërbimeve bazë të infrastrukturës Cloud dhe mbështet integrimin e tyre me mjediset on-premise.
• Implementon dhe mirëmban platformat dhe mjediset e containerization dhe orchestration sipas arkitekturës dhe standardeve të përcaktuara.
• Përdor dhe përshtat Infrastructure as Code (IaC), Configuration Management dhe automatizime për provisioning, konfigurimin dhe administrimin e infrastrukturës dhe platformave.
• Monitoron serverët, sistemet operative, platformat e virtualizimit, storage, backup dhe platformat Cloud, si dhe performancën, disponueshmërinë dhe kapacitetet e tyre, duke kontribuar në optimizimin e burimeve dhe kostove.
• Implementon konfigurimet e identity and access management, hardening dhe kontrollet e përcaktuara të sigurisë së infrastrukturës dhe platformave.
• Merr pjesë në testimin dhe vlerësimin teknik të teknologjive dhe platformave të reja dhe dokumenton rezultatet sipas standardeve të përcaktuara.
• Identifikon dhe zgjidh problematika teknike të sistemeve, platformave dhe infrastrukturës dhe implementon upgrade, migrime dhe ndryshime teknike, duke eskaluar problematikat komplekse.
• Mbështet ekipet e projekteve dhe DevSecOps në konfigurimin dhe përdorimin e platformave dhe shërbimeve të infrastrukturës, përgatit dokumentacionin, runbook-et dhe procedurat operative dhe ofron mbështetje teknike për Specialistët.
• Raporton tek Eksperti i Lartë dhe/ose Përgjegjësi i Njësisë.

Kërkesat për kandidatët

• Niveli minimal i diplomës Bachelor në Informatikë, Inxhinieri, Teknologji Informacioni ose fusha të ngjashme
• Të ketë të paktën 2 vjet eksperiencë profesionale në fushë
• Trajnime ose certifikime në AWS/Azure/GCP, administrimin e sistemeve Linux/Windows, platformat e virtualizimit, Kubernetes, Infrastructure as Code ose teknologjitë e infrastrukturës përbëjnë avantazh.

Dokumentet e aplikimit

• Kërkesë për aplikim
• CV
• Fotokopje të diplomës dhe listës së notave
• Fotokopje të librezës së punës (vetëm faqet e plotësuara)
• Fotokopje të certifikatave të kualifikimit (nëse ka)
• Vërtetimin e gjendjes gjyqësore
• Një numër telefoni si dhe adresën e plotë për t’u kontaktuar