Ekspert i Lartë Prokurimi

Në zbatim të ligjit nr. 7961, datë 12.07.1995, “Kodi i Punës i Republikës së Shqipërisë”, i ndryshuar, Statutit dhe Aktit të Themelimit të Shoqërisë “ALBANIAN DIGITAL SOLUTION” SH.A., shoqëria “ALBANIAN DIGITAL SOLUTION” SH.A. shpall konkurrimin për 2 (dy) vende të lira pune në pozicionin:

Ekspert i Lartë Prokurimi, Drejtoria e Prokurimit, Departamenti Korporativ, në “ALBANIAN DIGITAL SOLUTION” SH.A

Detyrat kryesore

• Harton dhe administron dokumentacionin e procedurave të prokurimit në përputhje me legjislacionin në fuqi
• Siguron zbatimin korrekt të Ligjit për prokurimet publike dhe akteve nënligjore në zbatim të tij
• Përgatit dosjet e tenderëve, specifikimet teknike dhe dokumentacionin standard të procedurave
• Koordinon me njësitë përkatëse për identifikimin dhe planifikimin e nevojave të prokurimit
• Menaxhon komunikimin dhe marrëdhëniet me operatorët ekonomikë gjatë procedurave të prokurimit
• Mbështet procesin e vlerësimit të ofertave dhe përgatit dokumentacionin për përzgjedhjen e fituesit
• Administron publikimin dhe ndjekjen e procedurave në sistemet elektronike të prokurimit
• Siguron transparencën, dokumentimin dhe arkivimin e plotë të procedurave të prokurimit
• Bashkëpunon me njësitë juridike, financiare dhe teknike për zbatimin korrekt të kontratave
• Harton raporte dhe evidenca periodike mbi realizimin e procedurave të prokurimit

Kërkesat për kandidatët

• Të Zotërojë Diplomë Bachelor në shkenca juridike / ekonomike ose fusha të ngjashme
• Të ketë të paktën 3 vite eksperiencë profesionale në fushë
• Të ketë njohuri shumë të mira të gjuhës angleze
• Trajnimet në prokurim publik përbëjnë avantazh

Dokumentet e aplikimit

• Kërkesë për aplikim
• CV
• Fotokopje të diplomës dhe listës së notave
• Fotokopje të librezës së punës (vetëm faqet e plotësuara), ose vërtetim të kontributeve të sigurimeve shoqërore të gjeneruara nga platforma e- Albania, ose Vërtetim të lëshuar nga punëdhënësi.
• Fotokopje të certifikatave të kualifikimit (nëse ka)
• Vërtetimin e gjendjes gjyqësore
• Një numër telefoni si dhe adresën e plotë për t’u kontaktuar