Ekspert i Lartë Njësie Operimit dhe Mirëmbajtjes

Ekspert i Lartë Njësie Operimit dhe Mirëmbajtjes, Departamenti i Operimeve dhe Infrastrukturës, në “ALBANIAN DIGITAL SOLUTION” SH.A.

 

 

Në zbatim të ligjit nr. 7961, datë 12.07.1995, “Kodi i Punës i Republikës së Shqipërisë”, i ndryshuar, Statutit dhe Aktit të Themelimit të Shoqërisë “ALBANIAN DIGITAL SOLUTION” SH.A., shoqëria “ALBANIAN DIGITAL SOLUTION” SH.A. shpall konkurrimin për 2 (dy) vende të lira pune në pozicionin:

 

 

Ekspert i Lartë Njësie Operimit dhe Mirëmbajtjes, Departamenti i Operimeve dhe Infrastrukturës, në “ALBANIAN DIGITAL SOLUTION” SH.A.

 

 

DETYRAT DHE  PËRGJEGJËSITË E POZICIONIT PËRMBAJNË POR  NUK KUFIZOHEN NË:

 

• Administron dhe mirëmban sisteme, serverë, databaza dhe aplikacione kritike për garantimin e disponueshmërisë, stabilitetit dhe performancës së shërbimeve teknologjike.
• Monitoron infrastrukturën dhe sistemet operative dhe ndërmerr masa për optimizimin e performancës dhe kapaciteteve të tyre.
• Identifikon, analizon dhe zgjidh incidente komplekse dhe problematika teknike që lidhen me operimin dhe mirëmbajtjen e sistemeve dhe aplikacioneve.
• Siguron proceset e backup, recovery dhe vazhdimësisë operacionale të sistemeve dhe shërbimeve teknologjike.
• Bashkëpunon me ekipet DevOps, Infrastrukturës dhe Sigurisë për implementimin dhe mirëmbajtjen e mjediseve teknologjike.
• Zbaton dhe përmirëson procedurat operative, standardet teknike dhe praktikat e mirëmbajtjes së sistemeve.
• Mbështet implementimin e përditësimeve, konfigurimeve dhe ndërhyrjeve teknike në mjediset operative.
• Dokumenton konfigurimet, procedurat dhe problematikat teknike
• Ofron mentorim teknik dhe mbështetje profesionale për ekspertët e mesëm dhe specialistët e ekipit.

 

KËRKESA TË PËRGJITHSHME PËR KANDIDATËT

• Të zotërojë diplomë të nivelit Bachelor/Master në një nga fushat Informatikë, Inxhinieri, Teknologji Informacioni ose fusha të ngjashme
• Të ketë njohuri shumë të mira të gjuhës angleze;
• Të ketë të paktën 5 vite eksperience profesionale në fushë
• Certifikime: Linux, Microsoft, Oracle ose certifikime të tjera përbëjnë avantazh.

 

PAGA PËR POZICIONIN ËSHTË NË KATEGORINË (KL2A-OM)

 

PARAQITJA E DOKUMENTEVE:

Kandidati duhet të dërgojë brenda datës 18.06.2026, në adresën e e-mailit: info@ads.com.al, këto dokumente:

 

• Kërkesë për aplikim
• CV
• Fotokopje të diplomës dhe listës së notave
• Fotokopje të librezës së punës
• Fotokopje të certifikatave të kualifikimit (nëse ka)
• Vërtetimin e gjendjes gjyqësore
• Një numër telefoni si dhe adresën e plotë për t’u kontaktuar

 

PROCESI I PËRZGJEDHJES

Kandidatët që plotësojnë kriteret e përcaktuara dhe kalojnë fazën e verifikimit të dokumentacionit do t’i nënshtrohen procedurës së konkurrimit, e cila përbëhet nga dy faza:

• Testim me shkrim;
• Intervistë.

 

Vetëm kandidatët që rezultojnë të suksesshëm në fazën e testimit me shkrim do të kualifikohen për fazën e intervistës. Data, ora dhe vendi i zhvillimit të secilës fazë do t’u komunikohen kandidatëve të kualifikuar nëpërmjet të dhënave të kontaktit të deklaruara në aplikim.