Ekspert i Lartë i Njësisë DevOps & Cloud

ADS sh.a. shpall konkurrimin për 2 vende të lira pune në pozicionin Ekspert i Lartë i Njësisë DevOps & Cloud.

Në zbatim të ligjit nr. 7961, datë 12.07.1995, “Kodi i Punës i Republikës së Shqipërisë”, i ndryshuar, Statutit dhe Aktit të Themelimit të Shoqërisë “ALBANIAN DIGITAL SOLUTION” SH.A., shoqëria “ALBANIAN DIGITAL SOLUTION” SH.A. shpall konkurrimin për 2 (dy) vende të lira pune në pozicionin:

Ekspert i Lartë i Njësisë DevOps & Cloud, Departamenti i Zhvillimit, në “ALBANIAN DIGITAL SOLUTION” SH.A.

Detyrat kryesore

• Harton dhe zbaton strategjinë DevOps & Cloud në përputhje me objektivat teknologjike të organizatës.
• Dizajnon, implementon dhe mirëmban pipeline CI/CD për automatizimin e proceseve të zhvillimit, testimit dhe deployment-it të aplikacioneve.
• Standardizon mjetet, proceset dhe automatizimet për administrimin e infrastrukturës dhe operacioneve teknologjike.
• Administron dhe optimizon infrastrukturën cloud dhe mjediset teknologjike për garantimin e performancës, sigurisë dhe disponueshmërisë së sistemeve.
• Zbaton dhe standardizon praktikat Infrastructure as Code (IaC) për automatizimin dhe menaxhimin e infrastrukturës.
• Bashkëpunon me ekipet e zhvillimit software, arkitekturës dhe sigurisë për implementimin e praktikave DevSecOps.
• Monitoron performancën, logs, kapacitetet dhe stabilitetin e sistemeve dhe ndërmerr masa për optimizimin e tyre.
• Identifikon dhe adreson problematika teknike që lidhen me deployment, integrim, performancë dhe disponueshmëri të sistemeve.
• Menaxhon containerization, orchestration dhe mjediset e ekzekutimit të aplikacioneve dhe shërbimeve software.
• Kontribuon në menaxhimin dhe optimizimin e kostove të infrastrukturës dhe shërbimeve cloud (FinOps).
• Ofron mbështetje teknike dhe mentorim për specialistët e njësisë në fushën DevOps & Cloud.

Kërkesat për kandidatët

• Të zotërojë diplomë të nivelit Bachelor/Master në një nga fushat Informatikë, Inxhinieri, Teknologji Informacioni ose fusha të ngjashme.
• Të ketë njohuri shumë të mira të gjuhës angleze.
• Të ketë të paktën 5 vite eksperiencë profesionale në fushë.
• Certifikime AWS / Azure, DevOps, CKA ose certifikime të tjera përbëjnë avantazh.

Dokumentet e aplikimit

• Kërkesë për aplikim.
• CV.
• Fotokopje të diplomës dhe listës së notave.
• Fotokopje të librezës së punës.
• Fotokopje të certifikatave të kualifikimit, nëse ka.
• Vërtetimin e gjendjes gjyqësore.
• Një numër telefoni si dhe adresën e plotë për t’u kontaktuar.

Dokumenti burim

EKSPERT I LARTE Njësie DevOps dhe Cloud.pdf