Ekspert i Lartë i Njësisë të Menaxhimit të Projekteve

ADS sh.a. shpall konkurrimin për 2 vende të lira pune në pozicionin Ekspert i Lartë i Njësisë të Menaxhimit të Projekteve.

Në zbatim të ligjit nr. 7961, datë 12.07.1995, “Kodi i Punës i Republikës së Shqipërisë”, i ndryshuar, Statutit dhe Aktit të Themelimit të Shoqërisë “ALBANIAN DIGITAL SOLUTION” SH.A., shoqëria “ALBANIAN DIGITAL SOLUTION” SH.A. shpall konkurrimin për 2 (dy) vende të lira pune në pozicionin:

Ekspert i Lartë i Njësisë të Menaxhimit të Projekteve, Drejtoria e Projekteve, në “ALBANIAN DIGITAL SOLUTION” SH.A.

Detyrat kryesore

• Menaxhon dhe koordinon zbatimin e projekteve strategjike dhe teknologjike të shoqërisë.
• Harton planet e projektit, afatet, objektivat dhe nevojat për burime.
• Koordinon ekipet teknike dhe palët e interesit për realizimin e projekteve.
• Monitoron progresin, afatet, performancën dhe përmbushjen e deliverables të projekteve.
• Identifikon dhe adreson risqet, problematikat dhe devijimet gjatë zbatimit të projekteve.
• Përgatit raporte periodike mbi statusin dhe realizimin e projekteve.
• Siguron zbatimin e metodologjive, procedurave dhe standardeve të menaxhimit të projekteve (PMO).
• Bashkëpunon me strukturat e brendshme dhe institucionet përfituese për koordinimin dhe vijueshmërinë e projekteve.

Kërkesat për kandidatët

• Të zotërojë diplomë të nivelit Bachelor/Master në një nga fushat Teknologji informacioni, Inxhinieri, Ekonomi, Administrim Biznesi ose fusha të ngjashme.
• Të ketë njohuri shumë të mira të gjuhës angleze.
• Të ketë të paktën 5 vite eksperiencë pune.
• Certifikime PMP ose ekuivalente përbëjnë avantazh.

Dokumentet e aplikimit

• Kërkesë për aplikim.
• CV.
• Fotokopje të diplomës dhe listës së notave.
• Fotokopje të librezës së punës.
• Fotokopje të certifikatave të kualifikimit, nëse ka.
• Vërtetimin e gjendjes gjyqësore.
• Një numër telefoni si dhe adresën e plotë për t’u kontaktuar.