Ekspert i Lartë i Inteligjencës Artificiale dhe Analitike, Njësia e Inteligjencës Artificiale dhe Analitike, Departamenti i Zhvillimit dhe Transformimit Digjital, në “ALBANIAN DIGITAL SOLUTION” SH.A.,
Në zbatim të ligjit nr. 7961, datë 12.07.1995, “Kodi i Punës i Republikës së Shqipërisë”, i ndryshuar, Statutit dhe Aktit të Themelimit të Shoqërisë “ALBANIAN DIGITAL SOLUTION” SH.A., shoqëria “ALBANIAN DIGITAL SOLUTION” SH.A. shpall konkurrimin për 2 (dy) vende të lira pune në pozicionin:
Ekspert i Lartë i Inteligjencës Artificiale dhe Analitike, Njësia e Inteligjencës Artificiale dhe Analitike, Departamenti i Zhvillimit dhe Transformimit Digjital, në “ALBANIAN DIGITAL SOLUTION” SH.A.,
Detyrat kryesore
- Zhvillon, trajnon dhe optimizon modele ML/AI për përdorime dhe zgjidhje të avancuara teknologjike
- Përpunon, analizon dhe menaxhon dataset-e komplekse për trajnim dhe validim të modeleve
- Vlerëson performancën, saktësinë dhe efektivitetin e modeleve përmes proceseve të testimit dhe validimit
- Bashkëpunon me ekipet teknike për integrimin dhe implementimin e modeleve AI në sistemet dhe aplikacionet ekzistuese
- Siguron cilësinë, integritetin dhe menaxhimin korrekt të të dhënave të përdorura në proceset analitike dhe AI
- Optimizon modelet dhe algoritmet për performancë, efikasitet dhe shkallëzim në mjedise operative
- Mentoron dhe mbështet ekspertët e mesëm dhe specialistët në zhvillimin teknik dhe profesional
- Raporton tek Përgjegjësi i Njësisë
Kërkesat për kandidatët
- Të zotërojë diplomë Bachelor / Master në AI, Informatikë, Inxhinieri, Teknologji Informacioni ose fusha të ngjashme;
- Të ketë të paktën 5 vjet eksperiencë profesionale në fushë
- Certifikime në AI/ML ose platforma cloud përbëjnë avantazh
- Të ketë njohuri shumë të mira të gjuhës angleze
Dokumentet e aplikimit
- Kërkesë për aplikim
- CV
- Fotokopje të diplomës dhe listës së notave
- Fotokopje të librezës së punës
- Fotokopje të certifikatave të kualifikimit (nëse ka)
- Vërtetimin e gjendjes gjyqësore
- Një numër telefoni si dhe adresën e plotë për t’u kontaktuar
Procesi i Përzgjedhjes
Kandidatët që plotësojnë kriteret e përcaktuara dhe kalojnë fazën e verifikimit të dokumentacionit do t’i nënshtrohen procedurës së konkurrimit, e cila përbëhet nga dy faza:
- Testim me shkrim
- Intervistë
Vetëm kandidatët që rezultojnë të suksesshëm në fazën e testimit me shkrim do të kualifikohen për fazën e intervistës. Data, ora dhe vendi i zhvillimit të secilës fazë do t’u komunikohen kandidatëve të kualifikuar nëpërmjet të dhënave të kontaktit të deklaruara në aplikim.
Shënim i rëndësishëm
Mosparaqitja e plotë dhe brenda afatit e dokumenteve sjell skualifikim të kandidatit.