Ekspert i Lartë DevOps dhe Cloud

Ekspert i Lartë DevOps dhe Cloud, Njësia e DevOps dhe Cloud, Departamenti i Zhvillimit dhe Transformimit Digjital, në “ALBANIAN DIGITAL SOLUTION” SH.A.

Në zbatim të ligjit nr. 7961, datë 12.07.1995, “Kodi i Punës i Republikës së Shqipërisë”, i ndryshuar, Statutit dhe Aktit të Themelimit të Shoqërisë “ALBANIAN DIGITAL SOLUTION” SH.A., shoqëria “ALBANIAN DIGITAL SOLUTION” SH.A. shpall konkurrimin për 2 (dy) vende të lira pune në pozicionin:

Ekspert i Lartë DevOps dhe Cloud, Njësia e DevOps dhe Cloud, Departamenti i Zhvillimit dhe Transformimit Digjital, në “ALBANIAN DIGITAL SOLUTION” SH.A.

 

DETYRAT DHE  PËRGJEGJËSITË E POZICIONIT PËRMBAJNË POR  NUK KUFIZOHEN NË:

• Zhvillon funksionalitete komplekse dhe sisteme software të sigurta, të qëndrueshme dhe me performancë të lartë.
• Zbaton praktika moderne të zhvillimit software, përfshirë clean code, design patterns dhe secure coding practices.
• Bashkëpunon me Arkitektin e Zgjidhjeve për implementimin e zgjidhjeve teknike optimale.
• Kryen code review, debugging dhe optimizim të kodit për garantimin e cilësisë së aplikacioneve.
• Identifikon dhe zgjidh problematika komplekse teknike gjatë zhvillimit dhe integrimit të sistemeve.
• Kontribuon në përmirësimin e performancës, sigurisë dhe mirëmbajtjes së aplikacioneve software.
• Merr pjesë në implementimin dhe integrimin e moduleve, API-ve dhe shërbimeve të ndryshme software.
• Dokumenton komponentët dhe zgjidhjet teknike sipas standardeve të zhvillimit të Shoqërisë.
• Ofron mentorim teknik dhe mbështetje profesionale për zhvilluesit e mesëm dhe junior të ekipit.
• Raporton tek Përgjegjësi i Njësisë

 

KËRKESA TË PËRGJITHSHME PËR KANDIDATËT

• Të zotërojë diplomë të nivelit Bachelor/Master në një nga fushat Informatikë, Inxhinieri, Teknologji Informacioni ose fusha të ngjashme
• Të ketë njohuri shumë të mira të gjuhës angleze;
• Të ketë të paktën 5 vite eksperience profesionale në fushë
• Certifikime: AWS / Azure / GCP ose Kubernetes (CKA/CKAD) përbëjnë avantazh

 

PAGA PËR POZICIONIN ËSHTË NË KATEGORINË (KL2A-DO)

PARAQITJA E DOKUMENTEVE:

Kandidati duhet të dërgojë brenda datës 18.06.2026, në adresën e e-mailit: info@ads.com.al, këto dokumente:

• Kërkesë për aplikim
• CV
• Fotokopje të diplomës dhe listës së notave
• Fotokopje të librezës së punës
• Fotokopje të certifikatave të kualifikimit (nëse ka)
• Vërtetimin e gjendjes gjyqësore
• Një numër telefoni si dhe adresën e plotë për t’u kontaktuar

PROCESI I PËRZGJEDHJES

Kandidatët që plotësojnë kriteret e përcaktuara dhe kalojnë fazën e verifikimit të dokumentacionit do t’i nënshtrohen procedurës së konkurrimit, e cila përbëhet nga dy faza:

• Testim me shkrim;
• Intervistë.

Vetëm kandidatët që rezultojnë të suksesshëm në fazën e testimit me shkrim do të kualifikohen për fazën e intervistës. Data, ora dhe vendi i zhvillimit të secilës fazë do t’u komunikohen kandidatëve të kualifikuar nëpërmjet të dhënave të kontaktit të deklaruara në aplikim.