Skip to content

NJOFTIM PËR VEND TË LIRË PUNE

Ekspert i Lartë (Backend/Frontend/Full-stack/Mobile)

NJOFTIM Afati i aplikimit: 01.09.2026

Ekspert i Lartë (Backend/Frontend/Full-stack/Mobile), Njësia e Zhvillimit Software, Departamenti i Zhvillimit dhe Transformimit Digjital  në “ALBANIAN DIGITAL SOLUTION” SH.A.,

Në zbatim të ligjit nr. 7961, datë 12.07.1995, “Kodi i Punës i Republikës së Shqipërisë”, i ndryshuar, Statutit dhe Aktit të Themelimit të Shoqërisë “ALBANIAN DIGITAL SOLUTION” SH.A., shoqëria “ALBANIAN DIGITAL SOLUTION” SH.A. shpall konkurrimin për 5 (pesë) vende të lira pune në pozicionin:

Ekspert i Lartë (Backend/Frontend/Full-stack/Mobile), Njësia e Zhvillimit Software, Departamenti i Zhvillimit dhe Transformimit Digjital në “ALBANIAN DIGITAL SOLUTION” SH.A.,

Detyrat kryesore

  • Zhvillon funksionalitete komplekse dhe sisteme software të sigurta, të qëndrueshme dhe me performancë të lartë.
  • Zbaton praktika moderne të zhvillimit software, përfshirë clean code, design patterns dhe secure coding practices.
  • Bashkëpunon me Arkitektin e Zgjidhjeve për implementimin e zgjidhjeve teknike optimale.
  • Kryen code review, debugging dhe optimizim të kodit për garantimin e cilësisë së aplikacioneve.
  • Identifikon dhe zgjidh problematika komplekse teknike gjatë zhvillimit dhe integrimit të sistemeve.
  • Kontribuon në përmirësimin e performancës, sigurisë dhe mirëmbajtjes së aplikacioneve software.
  • Merr pjesë në implementimin dhe integrimin e moduleve, API-ve dhe shërbimeve të ndryshme software.
  • Dokumenton komponentët dhe zgjidhjet teknike sipas standardeve të zhvillimit të shoqërisë
  • Ofron mentorim teknik dhe mbështetje profesionale për zhvilluesit e mesëm dhe junior të ekipit.
  • Raporton tek Eksperti i Lartë dhe/ose Përgjegjësi i Njësisë.

Kërkesat për kandidatët

  • Të zotërojë diplomë të nivelit Bachelor në Informatikë, Inxhinieri, Teknologji Informacioni ose fusha të ngjashme
  • Të ketë njohuri shumë të mira të gjuhës angleze
  • Të ketë të paktën 5 vite eksperiencë profesionale në fushë
  • Certifikime në teknologji përkatëse ose Cloud përbëjnë avantazh

Dokumentet e aplikimit

  • Kërkesë për aplikim
  • CV
  • Fotokopje të diplomës dhe listës së notave
  • Fotokopje të librezës së punës (vetëm faqet e plotësuara)
  • Fotokopje të certifikatave të kualifikimit (nëse ka)
  • Vërtetimin e gjendjes gjyqësore
  • Një numër telefoni si dhe adresën e plotë për t’u kontaktuar

Procesi i Përzgjedhjes

Kandidatët që plotësojnë kriteret e përcaktuara dhe kalojnë fazën e verifikimit të dokumentacionit do t’i nënshtrohen procedurës së konkurrimit, e cila përbëhet nga dy faza:

  • Testim me shkrim
  • Intervistë

Vetëm kandidatët që rezultojnë të suksesshëm në fazën e testimit me shkrim do të kualifikohen për fazën e intervistës. Data, ora dhe vendi i zhvillimit të secilës fazë do t’u komunikohen kandidatëve të kualifikuar nëpërmjet të dhënave të kontaktit të deklaruara në aplikim.

Shënim i rëndësishëm

Mosparaqitja e plotë dhe brenda afatit e dokumenteve sjell skualifikim të kandidatit.