Ekspert i Mesëm Njësie Zhvillimi Software

ADS sh.a. shpall konkurrimin për 7 vende të lira pune në pozicionin Ekspert i Mesem Njesie Analize Biznesi.

Në zbatim të ligjit nr. 7961, datë 12.07.1995, “Kodi i Punës i Republikës së Shqipërisë”, i ndryshuar, Statutit dhe Aktit të Themelimit të Shoqërisë “ALBANIAN DIGITAL SOLUTION” SH.A., shoqëria “ALBANIAN DIGITAL SOLUTION” SH.A. shpall konkurrimin për 7 (shtate) vende të lira pune në pozicionin:

Ekspert i Mesëm Njësie Zhvillimi Software, Departamenti i Zhvillimit dhe Transformimit Digjital, në “ALBANIAN DIGITAL SOLUTION” SH.A.

Detyrat kryesore

• Zhvillon, implementon dhe mirëmban funksionalitete software në përputhje me kërkesat funksionale dhe specifikimet teknike.
• Bashkëpunon me ekipet për integrimin dhe funksionimin korrekt të moduleve dhe komponentëve të aplikacionit.
• Kryen testimin, debug-imin dhe optimizimin e kodit për garantimin e cilësisë dhe performancës së aplikacioneve.
• Mbështet përmirësimin e performancës, sigurisë dhe shkallëzueshmërisë së aplikacioneve dhe sistemeve.
• Bashkëpunon me ekipet QA dhe DevOps për testimin, implementimin dhe publikimin e funksionaliteteve.
• Ndjek dhe adreson problematikat teknike gjatë ciklit të zhvillimit dhe mirëmbajtjes së sistemeve.
• Përgatit dhe mirëmban dokumentacionin teknik të zhvillimeve dhe ndryshimeve të realizuara.
• Raporton tek Eksperti i Lartë dhe/ose Përgjegjësi i Njësisë së Zhvillimit Software.

Kërkesat për kandidatët

• Të zotërojë diplomë të nivelit Bachelor/Master në një nga fushat Teknologji informacioni, Inxhinieri, Ekonomi, Administrim Biznesi ose fusha të ngjashme sipas natyrës së projektit.
• Të ketë njohuri shumë të mira të gjuhës angleze.
• Të ketë të paktën 2-5 vite eksperiencë profesionale në fushë.
• Trajnime teknike perbejne avantazh.

Dokumentet e aplikimit

• Kërkesë për aplikim.
• CV.
• Fotokopje të diplomës dhe listës së notave.
• Fotokopje të librezës së punës.
• Fotokopje të certifikatave të kualifikimit, nëse ka.
• Vërtetimin e gjendjes gjyqësore.
• Një numër telefoni si dhe adresën e plotë për t’u kontaktuar.

Dokumenti burim

Ekspert i Mesem Njesie Zhvillime Software.pdf