Ekspert i Mesëm Arkivë/Protokoll

ADS sh.a. shpall konkurrimin për 1 vend të lirë pune në pozicionin Ekspert i Mesëm Arkivë/Protokoll.

Në zbatim të ligjit nr. 7961, datë 12.07.1995, “Kodi i Punës i Republikës së Shqipërisë”, i ndryshuar, Statutit dhe Aktit të Themelimit të Shoqërisë “ALBANIAN DIGITAL SOLUTION” SH.A., shoqëria “ALBANIAN DIGITAL SOLUTION” SH.A. shpall konkurrimin për 1 (një) vend të lirë pune në pozicionin:

Ekspert i Mesëm Arkivë/Protokoll, Drejtoria Financës dhe Shërbimeve Mbështetëse, Departamenti Korporativ, në “ALBANIAN DIGITAL SOLUTION” SH.A.

Detyrat kryesore

• Administron dhe koordinon proceset e arkivimit, protokollimit dhe administrimit të dokumentacionit në përputhje me procedurat dhe rregulloret në fuqi.
• Siguron klasifikimin, regjistrimin, ruajtjen dhe gjurmueshmërinë e dokumenteve dhe shkresave zyrtare të shoqërisë.
• Monitoron zbatimin e procedurave administrative dhe përputhshmërinë e proceseve të arkivës dhe protokollit me kërkesat ligjore përkatëse.
• Mbikëqyr administrimin, qarkullimin dhe ruajtjen fizike dhe elektronike të dokumentacionit dhe materialeve arkivore.
• Bashkëpunon me njësitë organizative për administrimin korrekt të dokumentacionit dhe ndjekjen e praktikave administrative.
• Siguron integritetin, konfidencialitetin dhe aksesin e kontrolluar në dokumentacionin dhe materialet arkivore.
• Identifikon problematika në proceset e dokumentimit dhe propozon masa për përmirësimin e proceseve administrative dhe arkivore.
• Mbështet proceset e inventarizimit, sistemimit dhe transferimit të dokumentacionit sipas procedurave dhe afateve përkatëse.
• Përgatit dhe mirëmban dokumentacionin, regjistrat dhe evidencat administrative që lidhen me arkivën dhe protokollin.

Kërkesat për kandidatët

• Të zotërojë diplomë Bachelor/Master Financë / Kontabilitet / Ekonomi / Biznes / Administrim ose fusha të ngjashme.
• Të ketë njohuri shumë të mira të gjuhës angleze.
• Të ketë të paktën 2 vite eksperiencë profesionale në fushë.

Dokumentet e aplikimit

• Kërkesë për aplikim.
• CV.
• Fotokopje të diplomës dhe listës së notave.
• Fotokopje të librezës së punës.
• Fotokopje të certifikatave të kualifikimit, nëse ka.
• Vërtetimin e gjendjes gjyqësore.
• Një numër telefoni si dhe adresën e plotë për t’u kontaktuar.

Dokumenti burim

Ekspert i Mesem Arkive Protokoll.pdf