Ekspert i Lartë, Njësia e Arkitekturës së Sistemeve

Ekspert i Lartë, Njësia e Arkitekturës së Sistemeve, Departamenti i Zhvillimit dhe Transformimit Digjital në “ALBANIAN DIGITAL SOLUTION” SH.A.,

Në zbatim të ligjit nr. 7961, datë 12.07.1995, “Kodi i Punës i Republikës së Shqipërisë”, i ndryshuar, Statutit dhe Aktit të Themelimit të Shoqërisë “ALBANIAN DIGITAL SOLUTION” SH.A., shoqëria “ALBANIAN DIGITAL SOLUTION” SH.A. shpall konkurrimin për 2 (dy) vende të lira pune në pozicionin:

Ekspert i Lartë, Njësia e Arkitekturës së Sistemeve, Departamenti i Zhvillimit dhe Transformimit Digjital, në “ALBANIAN DIGITAL SOLUTION” SH.A.

Detyrat kryesore

• Analizon kërkesat funksionale, jofunksionale dhe kufizimet teknike të projekteve dhe i transformon ato në zgjidhje arkitekturore të zbatueshme.
• Dizajnon arkitekturën e detajuar të zgjidhjeve teknologjike, në përputhje me drejtimin, standardet dhe arkitekturat referuese të miratuara.
• Harton alternativat arkitekturore, vlerëson përfitimet, kostot, kufizimet dhe rreziqet teknike dhe rekomandon zgjidhjen më të përshtatshme.
• Përcakton kërkesat jofunksionale për projektet konkrete, përfshirë sigurinë, performancën, shkallëzimin, disponueshmërinë, monitorimin, vazhdimësinë e shërbimit dhe rikuperimin nga fatkeqësitë.
• Përfshin parimet Security by Design dhe Privacy by Design në dizajnin e zgjidhjeve, në bashkëpunim me ekipet përgjegjëse për sigurinë dhe mbrojtjen e të dhënave.
• Dizajnon API-të, integrimet, modelet e shkëmbimit të të dhënave dhe mekanizmat e ndërveprueshmërisë ndërmjet sistemeve.
• Harton dhe mirëmban dokumentacionin teknik dhe arkitekturor të projekteve, përfshirë diagramet C4, regjistrat ADR, specifikimet teknike dhe modelet e integrimit.
• Vlerëson teknologji, platforma dhe komponentë të rinj dhe realizon prova koncepti (Proof of Concept), kur është e nevojshme, përpara rekomandimit të tyre.
• Bashkëpunon me ekipet e zhvillimit software, DevOps, infrastrukturës, bazave të të dhënave dhe sigurisë për zbatimin e arkitekturës së miratuar.
• Mbështet teknikisht ekipet gjatë zhvillimit, implementimit, testimit dhe kalimit të zgjidhjeve në prodhim.
• Verifikon që zgjidhja e implementuar është në përputhje me arkitekturën e miratuar dhe raporton devijimet te Përgjegjësi i Njësisë.
• Harton zgjidhjet dhe planet teknike për modernizimin, integrimin dhe migrimin e sistemeve, në përputhje me roadmap-et e miratuara.
• Identifikon problemet teknike te akumuluara, kufizimet e sistemeve legacy dhe komponentët që i afrohen fundit të mbështetjes dhe propozon masat për trajtimin e tyre.
• Analizon problematikat komplekse teknike dhe propozon zgjidhje për përmirësimin e performancës, sigurisë, qëndrueshmërisë dhe ndërveprueshmërisë së sistemeve.
• Merr pjesë në analizën e incidenteve kritike dhe rekomandon përmirësime teknike dhe arkitekturore për parandalimin e përsëritjes së tyre.
• Zbaton dhe promovon ripërdorimin e komponentëve, modeleve dhe praktikave teknike të miratuara.
• Ofron mentorim teknik dhe mbështetje profesionale për arkitektët e niveleve të tjera dhe specialistët e ekipeve teknike.
• Raporton tek Përgjegjësi i Njësisë

Kërkesat për kandidatët

• Të zotërojë diplomë të nivelit Bachelor në Informatikë, Inxhinieri, Teknologji Informacioni ose fusha të ngjashme
• Të ketë njohuri shumë të mira të gjuhës angleze;
• Të ketë të paktën 5 vite eksperience profesionale në fushë
• Certifikime: TOGAF, Cloud Architecture ose ekuivalente përbëjnë avantazh

Dokumentet e aplikimit

• Kërkesë për aplikim
• CV
• Fotokopje të diplomës dhe listës së notave
• Fotokopje të librezës së punës (vetëm faqet e plotësuara), ose vërtetim të kontributeve të sigurimeve shoqërore të gjeneruara nga platforma e- Albania, ose Vërtetim të lëshuar nga punëdhënësi.
• Fotokopje të certifikatave të kualifikimit (nëse ka)
• Vërtetimin e gjendjes gjyqësore
• Një numër telefoni si dhe adresën e plotë për t’u kontaktuar