Inxhinier i Lartë HVAC dhe Sistemi BMS , Njësia e Shërbimeve të Infrastrukturës dhe Data Center në “ALBANIAN DIGITAL SOLUTION” SH.A.,
Në zbatim të ligjit nr. 7961, datë 12.07.1995, “Kodi i Punës i Republikës së Shqipërisë”, i ndryshuar, Statutit dhe Aktit të Themelimit të Shoqërisë “ALBANIAN DIGITAL SOLUTION” SH.A., shoqëria “ALBANIAN DIGITAL SOLUTION” SH.A. shpall konkurrimin për 1 (një) vend i lirë pune në pozicionin:
Inxhinier i Lartë HVAC dhe Sistemi BMS, Njësia e Shërbimeve të Infrastrukturës dhe Data Center në “ALBANIAN DIGITAL SOLUTION” SH.A.,
Detyrat kryesore
- Mirëmban të gjitha njësitë ftohëse të instaluara sipas manualeve teknike të prodhuesit.
- Kontrollon javore: treguesit e lagështirës dhe temperaturës, historikun e alarmeve dhe presionin e gazit refrigerant.
- Kontrollon mujore: ventilatorët, valvulat e zgjerimit, sensorët, lagështuesit dhe filtrat e ajrit.
- Kujdeset për kontrollin e sasisë së refrigerantit, rrjedhjet e mundshme dhe termoizolimin e tubacioneve.
- Mirëmban sistemin BMS: serverët, modulet I/O dhe konvertuesit e protokolleve.
- Mirëmban sistemin e detektimit të rrjedhjes së ujit dhe sensorët e temperaturës/lagështisë.
- Monitoron komunikimin e sistemit BMS me të gjitha sistemet e lidhura.
- Kryen kalibrimin periodik të sensorëve të lagështisë dhe temperaturës.
- Harton dhe paraqet raportet mujore të performancës HVAC dhe BMS.
- Raporton tek Përgjegjësi i Njësisë dhe aktivizohet on-call sipas rotacionit të miratuar
Kërkesat për kandidatët
- Të zotërojë diplomë Bachelor/Master në Inxhinieri Mekanike, Termike, HVAC ose fusha të ngjashme
- Të ketë të paktën 5 vite eksperiencë profesionale në fushë.
- Certifikime zyrtare për sistemet e kondicionimit dhe BMS, F-Gaz (refrigerantë) përbëjnë avantazh.
- Të ketë njohuri shumë të mira të gjuhës angleze.
Dokumentet e aplikimit
- Kërkesë për aplikim.
- CV.
- Fotokopje të diplomës dhe listës së notave.
- Fotokopje të librezës së punës (vetëm faqet e plotësuara).
- Fotokopje të certifikatave të kualifikimit (nëse ka).
- Vërtetimin e gjendjes gjyqësore.
- Një numër telefoni si dhe adresën e plotë për t’u kontaktuar.
Procesi i Përzgjedhjes
Vetëm kandidatët që rezultojnë të suksesshëm në fazën e përzgjedhjes do të kualifikohen për fazën e intervistës. Data, ora dhe vendi i zhvillimit të intervistës do t’u komunikohen kandidatëve të kualifikuar nëpërmjet të dhënave të kontaktit të deklaruar në aplikim.
Shënim i rëndësishëm
Mosparaqitja e plotë dhe brenda afatit e dokumenteve sjell skualifikim të kandidatit.