Ekspert i Lartë, Njësia e Arkitekturës së Sistemeve, Departamenti i Zhvillimit dhe Transformimit Digjital, në “ALBANIAN DIGITAL SOLUTION” SH.A.,
Në zbatim të ligjit nr. 7961, datë 12.07.1995, “Kodi i Punës i Republikës së Shqipërisë”, i ndryshuar, Statutit dhe Aktit të Themelimit të Shoqërisë “ALBANIAN DIGITAL SOLUTION” SH.A., shoqëria “ALBANIAN DIGITAL SOLUTION” SH.A. shpall konkurrimin për 2 (dy) vende të lira pune në pozicionin:
Ekspert i Lartë, Njësia e Arkitekturës së Sistemeve, Departamenti i Zhvillimit dhe Transformimit Digjital, në “ALBANIAN DIGITAL SOLUTION” SH.A.,
Detyrat kryesore
- Dizajnon arkitekturën e zgjidhjeve teknologjike komplekse dhe sistemeve ndërinstitucionale.
- Siguron përputhshmërinë e zgjidhjeve teknike me standardet, parimet dhe modelet arkitekturore të shoqërisë.
- Bashkëpunon me ekipet e zhvillimit software, DevOps dhe sigurisë për implementimin e zgjidhjeve arkitekturore.
- Vlerëson teknologji, platforma dhe komponentë të ndryshëm dhe rekomandon zgjidhje teknike optimale.
- Kontribuon në modernizimin, integrimin dhe migrimin e sistemeve dhe platformave ekzistuese.
- Harton dhe mirëmban dokumentacionin arkitekturor dhe specifikimet teknike të sistemeve.
- Analizon problematika teknike dhe propozon zgjidhje për optimizimin e performancës, sigurisë dhe interoperabilitetit të sistemeve.
- Ofron mentorim teknik dhe mbështetje profesionale për arkitektët e mesëm dhe specialistët e ekipit.
- Raporton tek Përgjegjësi i Njësisë.
Kërkesat për kandidatët
- Të zotërojë diplomë Bachelor / Master në Informatikë, Inxhinieri, Teknologji Informacioni ose fusha të ngjashme
- Të ketë të paktën 5 vjet eksperiencë profesionale në fushë
- Certifikime në TOGAF, Cloud Architecture ose ekuivalente përbëjnë avantazh
- Të ketë njohuri shumë të mira të gjuhës angleze
Dokumentet e aplikimit
- Kërkesë për aplikim
- CV
- Fotokopje të diplomës dhe listës së notave
- Fotokopje të librezës së punës
- Fotokopje të certifikatave të kualifikimit (nëse ka)
- Vërtetimin e gjendjes gjyqësore
- Një numër telefoni si dhe adresën e plotë për t’u kontaktuar
Procesi i Përzgjedhjes
Kandidatët që plotësojnë kriteret e përcaktuara dhe kalojnë fazën e verifikimit të dokumentacionit do t’i nënshtrohen procedurës së konkurrimit, e cila përbëhet nga dy faza:
- Testim me shkrim
- Intervistë
Vetëm kandidatët që rezultojnë të suksesshëm në fazën e testimit me shkrim do të kualifikohen për fazën e intervistës. Data, ora dhe vendi i zhvillimit të secilës fazë do t’u komunikohen kandidatëve të kualifikuar nëpërmjet të dhënave të kontaktit të deklaruara në aplikim.
Shënim i rëndësishëm
Mosparaqitja e plotë dhe brenda afatit e dokumenteve sjell skualifikim të kandidatit.