Në zbatim të ligjit nr. 7961, datë 12.07.1995, “Kodi i Punës i Republikës së Shqipërisë”, i ndryshuar, Statutit dhe Aktit të Themelimit të Shoqërisë “ALBANIAN DIGITAL SOLUTION” SH.A., shoqëria “ALBANIAN DIGITAL SOLUTION” SH.A. shpall konkurrimin për 1 (një) vend të lirë pune në pozicionin: 

Ekspert i Mesëm i Inteligjencës Artificiale dhe Analitike, Njësia e Inteligjencës Artificiale dhe Analitike, Departamenti i Zhvillimit dhe Transformimit Digjital, në “ALBANIAN DIGITAL SOLUTION” SH.A.

DETYRAT DHE  PËRGJEGJËSITË E POZICIONIT PËRMBAJNË POR  NUK KUFIZOHEN NË: 

• Përpunon dhe transformon të dhënat për përdorim analitik dhe modele inteligjence artificiale 

• Mbështet ndërtimin, testimin dhe përmirësimin e modeleve ML/AI në përputhje me kërkesat teknike 

• Menaxhon dhe monitoron pipeline-et e të dhënave për sigurimin e rrjedhës dhe përpunimit korrekt të informacionit 

• Bashkëpunon me ekipet teknike për integrimin dhe implementimin e zgjidhjeve analitike dhe AI 

• Ndjek cilësinë, integritetin dhe konsistencën e të dhënave gjatë proceseve të analizës dhe zhvillimit 

• Mbështet përgatitjen dhe mirëmbajtjen e dokumentacionit teknik dhe analitik 

• Raporton tek Eksperti i Lartë i Njësisë 

KËRKESA TË PËRGJITHSHME PËR KANDIDATËT 

• Të zotërojë diplomë Bachelor / Master në AI, Informatikë, Inxhinieri, Teknologji Informacioni ose fusha të ngjashme; 

• Të ketë të paktën 2-5 vjet eksperiencë profesionale në fushë 

• Trajnime në data/ML përbëjnë avantazh  

PAGA PËR POZICIONIN ËSHTË NË KATEGORINË (KL2B-AI) 

PARAQITJA E DOKUMENTEVE: 

Kandidati duhet të dërgojë brenda datës 15.06.2026, në adresën e e-mailit: info@ads.com.al, këto dokumente: 

• Kërkesë për aplikim 

• CV 

• Fotokopje të diplomës dhe listës së notave 

• Fotokopje të librezës së punës 

• Fotokopje të certifikatave të kualifikimit (nëse ka) 

• Vërtetimin e gjendjes gjyqësore 

• Një numër telefoni si dhe adresën e plotë për t’u kontaktuar 

Mosparaqitja e plotë dhe brenda afatit e dokumenteve sjell skualifikim të kandidatit.