Ekspert i Lartë i Njësisë së Arkitekturës së Sistemeve

ADS sh.a. shpall konkurrimin për 2 vende të lira pune në pozicionin Ekspert i Lartë i Njësisë së Arkitekturës së Sistemeve.

Në zbatim të ligjit nr. 7961, datë 12.07.1995, “Kodi i Punës i Republikës së Shqipërisë”, i ndryshuar, Statutit dhe Aktit të Themelimit të Shoqërisë “ALBANIAN DIGITAL SOLUTION” SH.A., shoqëria “ALBANIAN DIGITAL SOLUTION” SH.A. shpall konkurrimin për 2 (dy) vende të lira pune në pozicionin:

Ekspert i Lartë i Njësisë së Arkitekturës së Sistemeve, Departamenti i Zhvillimit dhe Transformimit Digjital, në “ALBANIAN DIGITAL SOLUTION” SH.A.

Detyrat kryesore

• Dizajnon arkitekturën e zgjidhjeve teknologjike komplekse dhe sistemeve ndërinstitucionale.
• Siguron përputhshmërinë e zgjidhjeve teknike me standardet, parimet dhe modelet arkitekturore të organizatës.
• Bashkëpunon me ekipet e zhvillimit software, DevOps dhe sigurisë për implementimin e zgjidhjeve arkitekturore.
• Vlerëson teknologji, platforma dhe komponentë të ndryshëm dhe rekomandon zgjidhje teknike optimale.
• Kontribuon në modernizimin, integrimin dhe migrimin e sistemeve dhe platformave ekzistuese.
• Harton dhe mirëmban dokumentacionin arkitekturor dhe specifikimet teknike të sistemeve.
• Analizon problematika teknike dhe propozon zgjidhje për optimizimin e performancës, sigurisë dhe interoperabilitetit të sistemeve.
• Ofron mentorim teknik dhe mbështetje profesionale për arkitektët e mesëm dhe specialistët e ekipit.

Kërkesat për kandidatët

• Të zotërojë diplomë të nivelit Bachelor/Master në një nga fushat Informatikë, Inxhinieri, Teknologji Informacioni ose fusha të ngjashme.
• Të ketë njohuri shumë të mira të gjuhës angleze.
• Të ketë të paktën 5 vite eksperience profesionale në fushë.
• Certifikime: TOGAF 9/10, Cloud Architecture ose certifikime të tjera përbëjnë avantazh.

Dokumentet e aplikimit

• Kërkesë për aplikim.
• CV.
• Fotokopje të diplomës dhe listës së notave.
• Fotokopje të librezës së punës.
• Fotokopje të certifikatave të kualifikimit, nëse ka.
• Vërtetimin e gjendjes gjyqësore.
• Një numër telefoni si dhe adresën e plotë për t’u kontaktuar.

Dokumenti burim

EKSPERT I LARTE I Njësie Arkitektures.docx