Përgjegjës Njësie të Menaxhimit të Projekteve

ADS sh.a. shpall konkurrimin për 1 vend të lirë pune në pozicionin Përgjegjës Njësie të Menaxhimit të Projekteve.

Në zbatim të ligjit nr. 7961, datë 12.07.1995, “Kodi i Punës i Republikës së Shqipërisë”, i ndryshuar, Statutit dhe Aktit të Themelimit të Shoqërisë “ALBANIAN DIGITAL SOLUTION” SH.A., shoqëria “ALBANIAN DIGITAL SOLUTION” SH.A. shpall konkurrimin për 1 (një) vend të lirë pune në pozicionin:

Përgjegjës Njësie të Menaxhimit të Projekteve, Drejtoria e Projekteve, në “ALBANIAN DIGITAL SOLUTION” SH.A.

Detyrat kryesore

• Drejton dhe koordinon veprimtarinë e Njësisë së Menaxhimit të Projekteve.
• Harton dhe monitoron zbatimin e metodologjive, procedurave dhe standardeve të menaxhimit të projekteve.
• Planifikon, administron dhe mbikëqyr portofolin e projekteve të shoqërisë.
• Monitoron realizimin e projekteve në aspektin e afateve, kostove, cilësisë dhe objektivave të përcaktuara.
• Koordinon procesin e prioritizimit të projekteve dhe alokimit të burimeve.
• Evidenton risqet, problematikat dhe devijimet gjatë zbatimit të projekteve, si dhe propozon masa korrigjuese.
• Siguron standardizimin, administrimin dhe arkivimin e dokumentacionit të projekteve.
• Koordinon veprimtarinë ndërmjet departamenteve dhe strukturave të përfshira në realizimin e projekteve.
• Bashkëpunon me institucionet përfituese dhe palët e interesuara për çështje që lidhen me projektet.
• Harton raporte periodike mbi statusin dhe performancën e projekteve për drejtuesit e shoqërisë.
• Siguron respektimin e kërkesave ligjore, procedurale dhe kontraktuale në administrimin e projekteve.

Kërkesat për kandidatët

• Të zotërojë diplomë të nivelit Bachelor/Master në një nga fushat Teknologji informacioni, Inxhinieri, Ekonomi, Administrim Biznesi ose fusha të ngjashme.
• Të ketë njohuri shumë të mira të gjuhës angleze.
• Të ketë të paktën 5–8 vite eksperiencë pune.
• Certifikime PMP ose ekuivalente përbëjnë avantazh.

Dokumentet e aplikimit

• Kërkesë për aplikim.
• CV.
• Fotokopje të diplomës dhe listës së notave.
• Fotokopje të librezës së punës.
• Fotokopje të certifikatave të kualifikimit, nëse ka.
• Vërtetimin e gjendjes gjyqësore.
• Një numër telefoni si dhe adresën e plotë për t’u kontaktuar.

Dokumenti burim

manual-chat