Ekspert i Lartë i Menaxhimit të Incidenteve dhe Ndryshimeve

ADS sh.a. shpall konkurrimin për 2 vende të lira pune në pozicionin Ekspert i Lartë i Menaxhimit të Incidenteve dhe Ndryshimeve.

Në zbatim të ligjit nr. 7961, datë 12.07.1995, “Kodi i Punës i Republikës së Shqipërisë”, i ndryshuar, Statutit dhe Aktit të Themelimit të Shoqërisë “ALBANIAN DIGITAL SOLUTION” SH.A., shoqëria “ALBANIAN DIGITAL SOLUTION” SH.A. shpall konkurrimin për 2 (dy) vende të lira pune në pozicionin:

Ekspert i Lartë i Menaxhimit të Incidenteve dhe Ndryshimeve, Departamenti i Operimit, në “ALBANIAN DIGITAL SOLUTION” SH.A.

Detyrat kryesore

• Koordinon menaxhimin dhe adresimin e incidenteve prioritare dhe kritike (P1/P2), duke garantuar reagim të shpejtë, minimizim të ndikimit dhe rikthim efikas të shërbimeve.
• Drejton aktivitetet operative dhe teknike gjatë situatave kritike dhe major incidents, duke siguruar koordinim dhe rikuperim të vazhdueshëm të shërbimeve teknologjike.
• Siguron komunikim dhe koordinim të vazhdueshëm me palët e interesit gjatë menaxhimit të incidenteve dhe ndërprerjeve të shërbimeve.
• Analizon shkakun rrënjësor të incidenteve (Root Cause Analysis – RCA) dhe propozon masa parandaluese dhe përmirësuese.
• Bashkëpunon me ekipet e operimeve, infrastrukturës, zhvillimit software dhe sigurisë për zgjidhjen dhe menaxhimin e incidenteve komplekse.
• Monitoron respektimin e SLA-ve dhe progresin e trajtimit dhe rikuperimit të incidenteve dhe problematikave teknike.
• Dokumenton incidentet, analizat RCA dhe veprimet korrigjuese sipas standardeve dhe procedurave operative të organizatës.
• Kontribuon në përmirësimin e proceseve, procedurave dhe praktikave të Incident Management dhe Major Incident Management.
• Ofron mentorim teknik dhe mbështetje profesionale për ekspertët e mesëm dhe specialistët e ekipit.

Kërkesat për kandidatët

• Të zotërojë diplomë të nivelit Bachelor/Master në një nga fushat Informatikë, Inxhinieri, Teknologji Informacioni ose fusha të ngjashme.
• Të ketë njohuri shumë të mira të gjuhës angleze.
• Të ketë të paktën 5 vite eksperiencë profesionale në fushë.
• Certifikime ITIL v4 Intermediate / Expert ose certifikime të tjera përbëjnë avantazh.

Dokumentet e aplikimit

• Kërkesë për aplikim.
• CV.
• Fotokopje të diplomës dhe listës së notave.
• Fotokopje të librezës së punës.
• Fotokopje të certifikatave të kualifikimit, nëse ka.
• Vërtetimin e gjendjes gjyqësore.
• Një numër telefoni si dhe adresën e plotë për t’u kontaktuar.

Dokumenti burim

Ekspert i Larte Njësie Menaxhim Incidentesh dhe Ndryshimesh(1).pdf